Երբ Խելացի Ռադիոգլուխները բոլորի համար անսպասելիորեն թողարկեցին ալբոմը ու դրանից առաջ բոլորիս ուրախացրին Lotus Flower-ի վիդեոյով, այդ ամբողջ քաշքշուկի, " ինձ արդեն դուր ա գալիս ալբոմը", "վայ , դե գնացեք, ես դաունլոդ եմ անում արդեն", "Լինկ, լինկ, լինկ"... այ սենց հիստերիկ արարողությունից հետո մենք հանգստացանք ու վարակվեցինք նոր ալբոմով:
Երևի դրանից մեր գլուխներն էլ ռադիոգլուխացան ու ռադիոգլուխների ալիքների վրա մինչև հիմա պտտվում էր մի միտք. պարենք ինչպես Թոմը: Վաղը Indie Libertines թիմը հավաքում է Ռադիոհեդ կամավորներին իրար գլխի, որ պարենք Թոմի պես ու այդ ամենը նկարենք:
Ցանկալի է, որ դուք հագնեվեք հենց այնպես, ինչպես Թոմն է հագնված ու էլի մի 47 անգամ վերանայեք վիդեոն:
Օյո.. ըմմ.. չէ.. :OyO.. սա նոր սմայլ է` ստեղծված հատուկ ինձ համար: Բոլոր կրեդիտները` Kid-ին:
Ինչ էի ասում.. ըըը.. հա´:
Երբ ես Black Rebel Motorcycle Club չեմ լսում, ուրեմն հաստատ ուրիշ բան եմ լսում, որտեղ խուլ հարվածայիններ կան: Չգիտեմ` պսիխադելիկայի ֆենոմենն է, թե մագնի B6-ից ինձ մոտ ձայնային հալյուցինացիաներ են, բայց էս քանի շաբաթ ինչ խումբ լսում եմ, խուլ հարվածայիններ ունեն: Ու ամենակարևորը.. ինձ դուր է գալիս: Ավելի ու ավելի..
Եթե դպրոցում լինեի, հաստատ սրա մասին կգրեի շարադրությունս:
Եթե ձեզանից շատերը ուշքի էին գալիս Նոր Տարվա սինդրոմից, մատների վրա այլևս չէին կարողանում հաշվել ալկոհոլի դատարկ շշերը ու բազմոցից այն կողմ չէին ուզում շարժվել, ապա մենք` Indie Libertines-ը, այդ ամենով զբաղվելուց բացի իրականացրինք այն, ինչ մտածել էին դեռ դեկտեմբերի վերջին. քավեր անել Jet-ի երգերից մեկն ու վիդեո նկարել: Դիմեցինք մեր լուսանկարիչ Պոետին (Վահե Հովհաննիսյան), ով էնպիսի բան առաջարկեց, որ դժվար էր հրաժարվել. նկարել stop motion վիդեո: Ու ինձ ցույց տվեց էս 2 վիդեոները.
Ընտրեցինք Jet-ի Last Chance երգը, որովհետև կարելի էր բառախաղ անել. երգում հնչում է honey բառը` last chance, honey: Մենք էլ որոշեցինք, որ վիդեյում գլխավոր դերում կլինի հենց մեղրը: Տեղը տեղին տեսքի բանկայով մեղր չճարվեց սուպերմարկետում, այդ պատճառով մեզ մոտ մեղրն իրականում ծիրանի ջեմ է :D
Հուվարի 5-ին նկարվել է 300+ կադր: Նկարահանումները տևել են մոտ մեկ ժամ: Հաջորդ օրը հավաքվել է վիդեոն, իսկ հունվարի 7-ին ձայնագրվել է երգը ZLo Records-ում: Ձայնագրությունների ընթացքում նկարված կադրերից նույնպես հայտնվել են վիդեոյում: Մի քիչ գլուխներս թեթևանա, բեքսթեյջ կադրերից էլ վիդեո կհավաքենք:
Վիդեոյի ու քավերի պատրաստման նպատակը Jet-ի հայտարարած մրցույթին մասնակցելն էր: Բայց դա ամենակարևոր նպատակը չէր: Կարևորը` այդ օրերը շատ հավես անցան, ու stop motion-ի մասին ահագին բան իմացանք: Շատ բաներ վատ ենք արել, սովորելու տեղ ունենք:
Մի խոսքով` տեսեք ինչ է ստացվել: Իսկ պատմությունն ամբողջությամբ կարդացեք այստեղ:
The cover and the video are made for Jet Christmas Contest.
Vocals - Arthur Solakhyan / Guitar - Vahe Hovhannisyan / Bass, Drums, Keyboard - Eduard Peshtmaljyan / Tambourine - Gayane Aghababyan / Mixed at ZLo Records by Eduard Peshtmaljan //
Video starring: Honey / Arthur Solakhyan / Gayane Aghababyan / Gayane Davtyan / Nelly Aghabekyan / Vahe Hovhannisyan //
Camera man - Vahe Hovhannisyan / Video edit - Gayane Aghababyan / Produced at Indie Libertines Records //
Վայ էն մարդուն, ով ինձ համոզեց գրանցել indielibertines.net-ը armnetawards-ի համար: :Դ Ոնց որ քարոզարշավ լինի Ֆեյսբուքում: Ցանկությունս էլ կորավ մեր քվեարկության լինկը տարածել, նենց որ հաշվեք` մենք չենք մասնակցում: Ձեր բաններն էլ հանել ենք մեր մոտից: Եթե կազմակերպիչներից ինչ-որ մեկը կարդում ա, խնդրում եմ, մեզ հեռացրեք մասնակիցների ցանկից: Մերսի :)
Մրցանակը գրագետ կայքերի համար ա, բայց ձեր կայքի համարյա ամեն նախադասության մեջ տառասխալ կա, լավ էլի.. Օրինակ սա. "Ներմուծք պատկերված տառերը/թվերը": Համ էլ ասում են, շատ հեշտ կարելի է ջարդել ձեր համակարգը ու մի քանի անգամ քվեարկել: Զգույշ եղեք :)
Համ էլ պարզվում ա` առանց մեր տարածելու էլ մարդիկ քվեարկել էին indielibertines.net-ի օգտին: Բայց դե:
Հաշվի առնելով Black Rebel Motorcycle Club-ի` վերջին մի քանի ամիսների անհաջողությունները (օրինակ, սա և սա) (լավ մարդկանց հետ վատ բաներ են կատարվում)` մեր ընկերների հետ միասին Indie Libertines-ով կամպանիա ենք սկսում "Գնի´ր BRMC-ի DVD-ն" անունով:
Հիմա կասեք` գժվել եք: Չէ, չենք գժվել: Սա էն խումբն է, որն ապրում է իր երաժշտությամբ, էդքան բարեհոգի է իր երկրպագուների նկատմամբ, չի սիրում "ուրիշի դուդուկի տակ պարել" ու միաժամանակ աշխարհի ամենաաղքատ խմբերից է: Որ իրենց KCRW-ի հարցազրույցն էի լսում, քիչ էր մնում լացս գար. շրջագայության ժամանակ թռիչքների տոմսերը մի կերպ էին առնում ու տուն էին վերադառնում համարյա առանց կոպեկ: Իսկ ես մինչև կյանքիս վերջը կհիշեմ, թե ոնց էին ոտքերս սոսնձվել գետնին, ու ես երկար ժամանակ ուշքի չէի գալիս, երբ իրենք Քյոլնի համերգի վերջում նվագեցին Open Invitation-ը: Ակումբից դուրս էի եկել, ու չեմ հիշում` ոնց եմ տուն գնացել. ամբողջ աշխարհը շուռ էր եկել ինձ համար:
Ես ուզում եմ, որ BRMC-ն նոր ալբոմներ գրի, շատ ալբոմներ: Ես ուզում եմ, որ իրենք շրջագայեն, շաաատ շրջագայեն: Բայց իրենք չեն կարող, եթե իրենց հետ սենց բաներ կատարվեն, որոնց պատճառով իրենք ոչ միայն ֆինանսապես են տուժում, այլ նաև հոգեպես ու բարոյապես. իրենց վերջին հարցազրույցները, մեղմ ասած, էնքան էլ լավատեսական չէին:
Ես ուզում եմ իրենց օգնել, որովհետև կարծում եմ, որ լավ մարդիկ արժանի են, որ իրենց օգնեն: Ուզում եմ օգնել, որովհետև լավ երաժիշտներն արժանի են ստուդիա ունենալ երգեր գրելու համար: Լավ խմբերն արժանի են իրենց երկրպագուների օգնությանը: Իսկ իրենք ավելի քան լավն են:
Վաղվանից` նոյեմբերի 5-ից, իրենց պաշտոնական կայքում հնարավոր է լինելու պատվիրել նոր թողարկված Beat The Devil's Tattoo Exclusive Edition-ը, որը ներառում է Live From London նոր DVD-ն: Amazon-ից ու այլ կայքերից հնարավոր է գնել այն մոտ 20 դոլարով (ի՜նչ էժան է), բայց պաշտոնական կայքից գնելու դեպքում կարելի է պատվերի մեջ ներառել նաև շապիկ ու համերգի mp3 ֆայլերը: Այնպես որ կոչ եմ անում գնել հենց պաշտոնական կայքից:
Վաղը, երբ BRMC-ն դնի DVD-ն վաճառքի, կտեղեկացնեմ: Իսկ հիմա, խնդրում եմ, տարածեք: Եթե ինչ-որ մեկին պիտի նվեր առնեիք, առեք էս ԴՎԴ-ն: Հիանալի նվեր կլինի երաժշտություն սիրողների համար: Համերգից հատված կարող եք նայել այստեղ:
Հատուկ շնորհակալություն բոլոր նրանց, ովքեր կաջակցեն, կգնեն ու կտարածեն: Սիրում եմ ձեզ :*
Մի քանի օր առաջ էնպես ստացվեց, որ Indie Libertines-ի լավ ընկերոջ` Արմինե Իկնադոսսյանի համար պետք է անցաթուղթ հանեինք Black Rebel Motorcycle-ի հոկտեմբերի 27-ի համերգի համար: Բայց էնպես ստացվեց, որ ուշացրինք նամակը: Բայց չտխրեցինք, որովհետև գիտենք, որ Արմինեին հաստատ կհաջողվի գոնե վոկալիստ Փիթեր Հայեսի հետ խոսել (դա նրան արդեն երկու անգամ հաջողվել էր): Էդպես էլ եղավ. կասկածներ չկային էլ, որ BRMC-ն լրիվ ունիկալ խումբ է ու թքած ունի բոլոր ստանդարտների ու խումբ-երկրպագուներ շփման համար բոլոր հնարավոր ու անհնար արգելքների վրա: Իմ կյանքում լսած ամենակախարդական պատմություններից մեկը հենց Արմինեի կողմից կարդացեք այստեղ :)
Լուրջ, կարդալուց կհալվեեեք :)
Ի դեպ, էսօր իրենք նոր ԴՎԴ են թողարկում, ու ես պատրաստվում եմ օրիգինալը պատվիրել: Բայց սպասելու եմ նոյեմբերի 5-ին. էդ օրվանից հնարավոր կլինի հենց պաշտոնական կայքից պատվիրել ու հետն էլ մայկա կգա: Իրենք լրիվ արժանի են :*** Beat the Devils Tattoo: Deluxe Version
Ես աշխատանքս փոխում եմ մի քանի օրից ու ինձ ներկա աշխատավայրում փոխարինող եմ փնտրում: Եթե Web PR-ով, social media-ով հետաքրքրվում եք կամ գիտեք ինչ-որ մեկին, ով հետաքրքրվում է, քոմենթ թողեք: Կամ էլ պարզապես տարածեք սա ձեր ընկերների շրջանում, խնդրում եմ: Շնորհակալ եմ :)
